ದೇವನಹಳ್ಳಿ: ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್ ಅಧಿಕಾರಿಗಳು ಭರ್ಜರಿ ಕಾರ್ಯಾಚರಣೆಯನ್ನ ನಡೆಸಿ ಕೋಟಿ ಕೋಟಿ ಮೌಲ್ಯದ ಚಿನ್ನಾಭರಣ ವಶಕ್ಕೆ ಪಡೆದಿದ್ದಾರೆ. ಅಂದಹಾಗೆ ಸೋಮವಾರ ಸಂಜೆ ಸಿಂಗಾಪುರದಿಂದ ಬೆಂಗಳೂರಿಗೆ ಭಾರತೀಯ ಮೂಲದ ಇಬ್ಬರು ಪ್ರಯಾಣಿಕರು ಬಂದಿದ್ದಾರೆ.
ಅಧಿಕಾರಿಗಳಿಗೆ ಕಣ್ತಪ್ಪಿಸಲು ಬೆಲ್ಟ್ ಒಳಗಡೆ ಚಿನ್ನವನ್ನ ಅಡಗಿಟ್ಟಿಸಿಕೊಂಡು ಸಾಗಾಟ ಮಾಡ್ತಿದ್ದ ವೇಳೆ ಕಸ್ಟಮ್ಸ್ ಅಧಿಕಾರಿಗಳಿಗೆ ಅನುಮಾನ ಬಂದು ತೀವ್ರ ತಪಾಸಣೆ ನಡೆಸಿದ್ದಾರೆ.ಈ ವೇಳೆ ಚಿನ್ನದ ಸರಗಳನ್ನ ಬೆಲ್ಟ್ ಒಳಗಡೆ ಹಾಕಿಕೊಂಡು ಇಬ್ಬರು ಬಂದಿದ್ದು, ಚೆಕಿಂಗ್ ವೇಳೆ ಬೆಲ್ಟ್ ಒಳಗಡೆ ಅಡಗಿಸಿಟ್ಟಿದ್ದ ಚಿನ್ನ ವಶಕ್ಕೆ ಪಡೆಯಲಾಗಿದೆ. ಇನ್ನೂ ಸುಮಾರು 1 ಕೋಟಿ 59 ಲಕ್ಷ ಮೌಲ್ಯದ 2 ಕೆಜಿ 610 ಗ್ರಾಂ ಚಿನ್ನವನ್ನ ಸೀಜ್ ಮಾಡಲಾಗಿದೆ. ಚಿನ್ನ ಸಮೇತ ಇಬ್ಬರು ಪ್ರಯಾಣಿಕರನ್ನ ವಶಕ್ಕೆ ಪಡೆದು ಅಧಿಕಾರಿಗಳಿಂದ ತೀವ್ರ ತನಿಖೆಯನ್ನ ನಡೆಸಲಾಗ್ತಿದೆ.